ASC
goorahan oodhan waxaan ka maqnaa jabadka saxaafada
aniga oo saluugay sida maroorta ee ay wax u qoraan
ama u tabiyaan shaqsiyaadka qalad isticmaalaya saxaafadii
xorta ahayd una janjeedhsaday danaysi,qabyaalad,nin
jeclaysi & hooskatuur una hogaamiyay saxaafada
ku hadasha afka somaalida jabo xiiramood oo saxaafada
aduunka ee xorta ahi ay goor sii horaysay ka hayaantay
kana dhigtay mid aan dhadhan lahayn wax yaabaha
lagu baahiyo. layaab ma ah in qof uu cabiro fikirkiisa
laakiin waxaa haboon inuu hubiyo ujeedka uu kaleeyahay
qormooyinka uu ku soo tuulayo mareegaha
sidoo
kale kuwa codkooda ku beegaya idaacada waa mid mudan
inay mugeeda qoraansadaan inta ayna soo gaadhin
ardaayada laga dheehan karo ama laga dhagaysan karo
waxii ay qoreen ama ay idaacadaha kaga hadaaqeen.hadii
uuna shaqsiga aqoon ulahayn ama uuna ka ifafaaloon
karin sadarada uu soo tubay mareegaha ama erayada
uu ka sheegay idaacada waxaa haboon inuu iska dhaafo
soo tabinta waxuu tabayo uuna ogaado inuu yahay
mid aradan oo aan loo baahnayn.sidoo kale hadii
uu u arko in qofkii dhagaysta codkiisa ama isha
mariya qoraalkiisa ayna duxi karaacaynin dibin-daabyo
mooyeen waxaa iyana la doortaa inaad dayso oo aad
daboosho dareenkaaga aan waxba dawayn haynin.waxaad
fogaato oo aad fadhiga badsato aadna ku dheeraato
inaad faalayso qoraalo kasoo maaxday dadka indheer
garadka ah ama ka ifafaalooda sooyaalkii la soo
maray & sanooyinka soo socda siduu u arko ayaa
hadana waxaad marar badan isha ku dhufan shaqsiyaad
aan qoraal u saaxiib ahayn.
sidoo kale aan xog ogaal ahayn ama duraya hawlo
ayna doonaynin oo dab hulaaqinaya.aniga oo ku gaaf-wareegaya
Afkaarta bulshada qalin dabada haya ee la hadasha
inta danaysa fikirka fayow ayna ku dheehantahay
feejignaatu ayaa waxaan isha la helaalay qoraalka
uu qoray shaqsiga isku magacaabay Sahal I. Caynte
uuna ku baahiyay mareegta waamonews uuna horyaalka
ama ciwaanka uga dhigay Afarta tiir een halgan ka
maarmin. inkasta oo ay adagtahay in laga dhaadhiciyo
shaqsiyaadka sidan u fikiri wadada toolmoon ee uu
shacabka somaalida Ogadenya u tabaabushaystay hadana
waxaan jantay inaan ka dhaho erayo kooban waa hadal
oo lama daayee. hadii uu shaqsigu dhex mushaaxo
wax uuna aqoon u lahayn sidoo kale uuna ka hayn
xog ku filan waxaa dhacda inuu gabi dhacleeyo uuna
juq dhaho juuqo xidhan. laleemada iiga muuqata qoraalkan
ayaa waxaa ay tahay in uuna xitaa ogayn shaqsigani
Jabhada Wadaniga Xoraynta Ogadenya dhulka ay ka
dagaalanto & sida ay ugu baahsantahay wadan-waynaha
Ogadenya.
sidoo
kale waxaa kaa daahsoon siyaasada ONLF meesha ay
ka soo unkantay & wakhti xaadirkan meesha ay
marayso xafiisyada(xafiisyada jwxo waxaa la odhan
karaa cadceedu kama dhacdo tayo dooni ha lahaadeene).sidoo
kale kacdoon shacab hadii ayna ahayn ururadii ka
xooga badnaa ee ka hanaqaaday ogaadeenya inaad is
waydiiso oo aad dib u qooraansato qormooyinkii laga
qoray ayaa quruxbadnayn. arinta kale ee u baahan
inaan ifiyo siyaasada,dhaqaalaha & marnaba kuma
arkin intii aan dhex indha-indhaynayay siyaada JWXO
meel ay ku sheegeen in ay ku xidhayaan dawlad ama
urur waxaana horgale & halqabsi u ahaa ama eegaba
u ah Midnimo Mintid Isku tashi guul Allaahu Akbar
inaad maraajicayso ururadii siyaasadoodu,dhaqaalahoodu
& taageeradoodu ku xidhnayd wadamo dibada ah
ayaa quruxsanayd inta aadan qormadan qorin.jabhada
wadaniga xoraynta ogadenya waa jabhada kasoo dhex
baxday shacabka Somaalida ogadenya.
sidoo kale waa jabhad soo koraysa sifiican ula jaan
qaaday siyaasada murugsan ee caalamka ee aad adigaba
ka shanqadisay waana rajada kaliya ee shacabka Somaalida
ogadenya ee ragaadiyay gumaysiga madaw ee biday
darxumada. qaraalkan aad soo dhigtay mareegta waamonews
waxaan u arkaa aniga in uu ka turjumayo odhaahdii
gumaysiga ee ahayd (jabhada qoys gaar ah ayaa wata,
waa koox yar, way kala tagayaan ma adkaysan doonaan
meel ay dabada la galaan majirto) waa mid u baahan
dib u dhugasho dabuubahaasi meeshii ay dageen.waxaan
qormadan kooban kusoo xidhi lahaa qofka raba inuu
gaadhsiiyo fikirkiisa caafimaadka qaba bulshada
rabana inuu hogo-tusaaleeyo horta inta uuna qalinka
& xaashida isa saarin dib ha u milicsado xaalada
uu ka hadlayo hana isku dayo in uu xog ku filan
ka helo kadib bulshada ha u tilmaamo waxuu maankiisu
tabayo hadii laakiin aad rabto jahawareerin &
jalaafeyn halganka ay umadu u soo burburtay ayna
ku lafa jabtay waxaa wali jira rag & gabadho
usoo jeeda dabuubaha danbaska lagu qorina ka rogi
sifiicana sheeda uga arka dabatada dabinada dadkan
somaalida ogaadeenya ee dulman u qoolaysta &
danta ay ka leeyahiin.
Geedan
Cali waldaye
geeddan@yahoo.com
