Mudo dheer oo daal iyo diif leh ka dib, waxaa dhamaaday shirkii yaxyaxa iyo weji gabaxa lahaa ee cadhoolayaasha reer Minnesota qabteen Shirkan ayaa runtii ahaa mid riyaddii iyo qarowgii cadhoolayaashu ku jireen ee ahaa in goobtii shirku buuxsami doonto dhamaanba beeniyey wax kale kuma garatide waxay dadkii shirka yimid u ahayd goob ceebeed iyo caajis aan dhamaanayn halka nag-nag layaashii shirka qabteyna qoortu jabtey siday albaabka u sii fiirinayeen bal in dad soo gala ay arkaan.

Nasiib daro waxoogaagii dadka ahaa ee meesha ku caajisayna halkii ay sheeko macno leh ka sugayeen ayaa waxaa lagu asqaysiiyey been la soo malmaluuqay oon sal iyo raadtoona lahayn sheeko meel ay ujeedo iyo meel ay ka jeedo aan lahayn ka dib waxaa lagu kala tagay goobtii shirka, waxaana halkaas ka dareeray dhowr qof oo cago jiidaya wejigoodana caajis laga dareemi karo.

Hase yeeshee cadhoolayaashii ayaa goobtaa ceeb iyo calool xumo kala luuday waxayna iyaga oo wejiyo madmadow, hoostana iska canaananaya u kala dheelmadeen meelihii ay ka soo ordeen markaliya ayuu waa ku baryey. Riyaddii baa beenowday huuhaaddii baa socon wayday hadaaqii iyo hubsiino la’aantii baa salkeedii la soo taabtey orodkii iyo orkii dadka wareeriyey baa waxba kordhin waayey sheekaddiina is eedayn iyo adaa noo lahaa bay ka bixi waydey.

Hadaba weji xumaddii shirka ayaa noqotey mid jawiggii canaasiirta badasha taasina waxay keentey in caqli xumaddii lagu yaqaanay ay cadho ku darsadaan. Waxay go’aan ku gaadheen in wixii ay rabeen haday waayeen, in wixii ay rabaanba ay ku hadlan ileen waa “neef gowracani geedo kama leexdee”. Maanta xaalkii cadhoolayaashu waa inay gaf iyo af lagaado iyo weliba jaa’ifooyin u geystaan reero ama shaqsiyaad aan waxba u dhimin sababtoo ah waxay jeclaayeen bay waayeen.

Waxay gaadheen meeshii qof damiir la’ uu gaadhi lahaa ee ugu hoosaysay waxay noqdeen kooxdii inta la xusuusan yahay ugu daciifanayd, ugu damiir xumayd, ugu xishood yareyd, uguna garaad hooseeyey sidaa darteed maanta waxay qaateen magac kale oo la yidhahdo Cadhaysanayaal.

Hadaba inkasta oo shirkan isaga ah lagu tilmaami karo mid gabi ahaanba lagu qasaarey, ujeedooyinkii laga lahaana aan lagu guulaysan hadana waxan odhan karaa hal koox baa si fool xun ugu qasaartey, hal kooxna way ka faaiiday.

Kooxddii qasaartey.

Run ahaantii kooxdii cadhoolayaasha waxaa la soo daristey khasaare aad u wayn oo dhinac kasta ah. Magacyadii beenta ahaa iyagu way ka qadeen oo jagooyinkii boos la’aanta waxba lagama siin Mida kale lacagahii dumarka laga uruuriyey ee ujeedada kale looga qaaday hotel kama seexan. Intaa daal iyo dacdaro baa u dheeraa, shirkiina siddii ay rabeen uguma dhicin oo ceeb iyo cuqdad bay kala tageen.

Kooxddii faa’iiday

Shaqsiga kaliya ee la oran karo wuu ka faaiiday shirkan wuxuu ahaa dhagarqabe Saalaxudiin waayo lacagtii yareyd ee la soo ururiyeyna isaga ayaa waxna hotel lagaga bixiyey waxna tigidh loogu gooyey waxna cunto lagu siiyey. Dhagarqabe sida uu dad hore u sheegay ujeedaddiisu waxay ahayd inuu kharash helo waayo ONLF lacagtii uu ka dhici jirey mudaddii uu qasnada hayey wuu waayey marka wuxuu rabaa meel uu hadana ka helo wax uu biilka isgaga bixiyo. Macow wuu og yahay inaanu ONLF dib ugu soo noqonaynin ama madax u noqon doonin laakiin masaakiin canaasiir ah ayaa meesha lagu sirayaa. Dhanka kale Mr. Been hawaas isagu waa laa walaa balse wuxuu isna ku maqan yahay jagada beenta ah ee Saalaxudiin sheeganayo qooraansigeeda.

Ugu dambayn cadhooleyaashii waxaa la soo daristey magac xumo iyo manfac li’i, Dadkoodii ka dhex baxe, waxna ma hayaan. Waa “sumalow Ido seeg,Riyo seeg oo meel dhexe salaq salaqlee”, kolka horaba dookh xumidooda Kooxda Asad (Hooyaddii) ku rasaysay iyo Maxamed Farax (Xajiimaale) caqli ka sugayay wallee ceeb illaah baa bady.Waxaase nasiib wanaag ah in dadka Ogadenya/S/Galbeed ay aad aqoon ugu leeyihiin kooxdan iyo intii la hal maashaba.

Haleelo Waa Magow.