War
bixin ay Maanta soo dabacaday Shabkada Sida Kalka
iyo Laabta ah u Taageerta Siyaasada iyo Afkarta
Tigreega ayaa Maanta digniin u Dirtay kuwa isu dhiibay
Cadawga waxa lala Maagan yahay hadaba warbixintii
oo buuxda ka dheeho Halkan.
Faallo:
Dowladda ma wadahadal bay kula jirtaa ururrada mise
dabiib?
Wabishabeele.com,
17-Jun-2010 - Waxaa sare u sii kacaya garabyada
jabhadaha kasoo jeeda Ismaamulka Deegaanka Soomaalida
ee sheeganaya inay dowladda dhexe kula jiraan wadahadal,
iyadoo dhawaan ay jabhadda UWSLF ku dhawaaqday inay
dowladda la gashay hashiis buuxa.
UWSLF
ayaa sheegtay inay dowladda la furtay wadahadal
mari doona saddex waji, mid hore, kan Jabuuti, iyo
midka ugu danbeeya.
Aqristayaal
badan oo emaillo inagula soo xidhiidhay ayaa in
badan su'aallo inaga soo weydiiyey wadahadallada
ururradan iyo dowladda nooca uu yahay.
Baaritaan
kadib, waxaanu oggaanay in dooda ururradan ee ah
inay wadahadal kula jiraan dowladda dhexe uu yahay
mid ku'eg warbaahinta ku hadasha Af-Soomaaliga.
Markaad eegto hadallada masuuliyiinta dowladda dhexe
waxaa kaaga soo dhex-baxaya inay dowladda dhexe
dabiib kula jirto ururradan.
Haddaad
si toos ah ula socotaan wararka wabishabeele.com
waxaa xaqiiqo ah inaad si fudud u fahmi kartaan
howlaha socdo, iyo waliba qaabka ay u socdaan. Aanu
dib idiin xasuusino masuuliyiinta dowladda dhexe
iyo kuwa dowlad deegaanka waxa ay ka dhaheen wadahadallada
ay sheegteen jabhadaha qaarkood.
Wasiirka
Xafiiska Warfaafiinta dowladda dhexe, Bereket Simon,
wuxuu warbaahinta ku yiri bishii April horaanteedi
"UWSLF hubki ayey dhigeen dowladduna cafis
ayey u fidisay."
Madaxweynaha
dowlad deegaanka Soomaalida, mudane Daa'uud Maxamed
Cali, wuxuu isna bishii April horaanteedi u sheegay
Laanta Af-Soomaaliga ee VOA "UWSLF dastuurki
wadanka ayey qaateen si nabadgalyo ah ayaan ku noolaaneynaa
ayey dhaheen, marka way soo xaroodeen...ONLF iyana
sidoo kale, waxaan rajeyneynaa inay sidan oo kale
u soo galaan, wax u diidayaa majiro maanta."
Ra'isulwasaaraha
dalka, Meles Zenawi, wuxuu bishii May dhamaadkeedi
shir jaraa'id ka yiri "sidaad ogtihiin UWSLF
dowladda ayey hashiis nabadeed la saxiixdeen. Sida
cad, markey isku-dayeen xagjirnimo oo ay ku daaleen,
waxey goosteen inaynan Itoobiya horumar kaga gaareyn
xagjirnimo. Mar dhawna waxaanu hashiis la saxiixaneynaa
garab weyn oo katirsan ONLF. Markale, taas waxey
caddeyneysaa inaynan xagjirnimo meella ku laheyn
Itoobiya."
Saddexdan
masuul hadalladooda haddaad u fiirsataan waxaa idiinka
soo dhex-baxaya faraqa u dhaxeeya hadallada jabhadaha
iyo xaqiiqda jirta.
Aqristayaasha
wabishabeele.com ku taxan waxaa lagu tilmaamaa inay
intooda badan yihiin dad leh aqoon fiican, islamarkaana
aad ula socda siyaasadda aduunka. Waxaanu rabnaa
inay isweydiiyaan, "yaa wadahadli kara? Waa
inaad fahantaan garabyada wadahadlaya waa inay marka
hore noqdaan kuwo isu baahan, ama ay jiraan wax
isku qasbaya inay miis wada fariistaan, islamarkaana
gorgortamaan.
Waxaa
xaqiiqo ah, inaynan waqti xaadirkan jirin wax dowladda
dhexe ku qasbaya inay miis la tagto jabhadaha sheeganaya
inay gorgortan ku jiraan. Majirto culeys ama wax
cabsi galinaya dowladda dhexe oo kaga iman kara
dhanka ururradan. Haddiise ay dhacdo inay labada
dhinac miis wada yimaadaan waa in midkood loo sheegayo
waxa dantiisa ah ee uu u baahanyahay inuu sameeyo.
Goormaad
wadahadal gali kartaa?
Waxaad
oggaataan saddex walxood: (1) marki aadan laheyn
awood u dhiganta cidda aad wadahadalka la galeyso,
(2) markeynan jirin wax lagaaga cabsado (3), iyo
markaadan haysan wax cidda kale ay u baahantahay
ood kusoo kordhin karto, saddexdaas walxood markey
isukaa biirsadaan, waxa kaliya eed filan karto waa
in wixii la doono laguu yeeriyo, taasna wadahadal
maaha ee waa dabiib (ama daweyn).
Dhaqtarka
markuu ruuxa daweynayo wuxuu u sheegaa dawooyinka
uu u baahanyahay inuu qaato, isagoo kuu sharxaya
xiliyada aad qaadan karto, iyo waliba qaabka ugu
habboon eed u isticmaali karto. Kulanka laba dhinac
oonan isu dhigmin maaha wadahadal ee waa in mid
uu dabiibayo kan kale.
Maxey
dowladda dhexe u diyaarisay ururrada hubka dhigay?
Sida
aynu ka helnay illo aad ugu dhaw madaxda dowladda
dhexe uga wakiilka ah deegaanka Soomaalida, waxaa
miiska saaran barnaamijyo dhowr ah, kuwaasoo loogu
talagalay jabhadaha doonaya inay saxiixaan ama saxiixay
document-ga hashiiska.
Wax
yaabaha ay dowladda dhexe la diyaarka tahay ee ay
jabhadaha ka faa'iideysan karaan waxaa kamid ah:
1-
In loo sameeyo barnaamijyo niyad-dhis, waxbarasho,
iyo fursado nolol
2-
In la siiyo gacan qabsi ay ku dabaraan noloshooda
billaha hore
3-
In si gaar ah loo xanaaneeyo cuuryaannada, dhaawaca
iyo dumarka katirsanaa jabhadaha hubka dhigay
4-
In loo sameeyo barnaamijyo u sahlaya la qabsiga
nolosha caadiga ah ee bulshada
5-
Inaanan loogu yeerin magacyo ay dhibsadaan, sida
nabaddiid
6-
Inaanan la takoorin, gooni loo soocin, ama laga
aargoosan
7-
In lasiiyo wacyigalin, dibna loogu cilyo degmooyinki
ay kasoo kala-jeedeen
Waxaa
hubaal ah inay shacabka deegaanku soo dhaweyn doonaan
hashiis kasta oo dhexmara dowladda iyo jabhadaha,
maadaama ay ka daaleen collaad iyo dagaallo aanan
dhamaad laheyn. Waxaase laga ma'maarmaan ah inaynan
jabhadahan labo qalad isku darsan, iyagoo marki
hore lumiyey maal iyo wiil badan, markana raba inay
dadka ka gadaan waxaanan jirin si ay u daboolaan
qaladkii ay horey u galleen.
wabishabeele.com
Haleelo
Waa Magow.
